Sasoian.info Urolakostako Kirol Aldizkaria

Azken albisteak

    ERRUGBIA>> 2016-01-13 10:34:05

    Astelehenetik aurrera aurkez daitezke lanak Garagardo Azokako kartel lehiaketara

    Urtero legez, Zarautz Rugby Taldeak kartel lehiaketa antolatu du aurten ere, Zarauzko  XVI. Garagardo Azokaren harira. 18 urtetik gorako edonork har dezake parte eta bakoitzak gehienez bi lan aurkez ditzake lehiaketara. Norberak nahi duen estilo eta teknika erabil ditzake kartela osatzeko. Neurriari dagokionez, DIN A3ko izan beharko du eta formatu digitalean zein paperean aurkeztu beharko da.

    Honako mezua gehitu beharko zaio diseinuari: Zarauzko XVI. Garagardo Azoka. Martxoak 23tik -28ra (Munoan). Eguerdiko 12etatik gaueko 1era. Horrekin batera, azokan bertan zerbitzatuko dituzten garagardoen logoak ere atxiki beharko zaizkio. Logo horiek Garagardo Azokaren webgunean aurki daitezke edota Zarautz Kirol Elkarteko bulegoan eskuratu, CD batean. Halaber, 5 zentimetroko tartea utzi beharko da kartelaren behekaldean, antolakuntzak bere irudiak jar ditzan.

    Lanak kirol elkarteko bulegora eraman beharko dira, urtarrilaren 18tik otsailaren 12ra bitartean, 10:00etatik 14:00etara eta 17:00etatik 19:00etara bitartean, astelehenetik ostegunera eta ostiraletan 10:00-14:00 artean. Kartazal itxi batean aurkeztu beharko da kartela, egilearen daturik zehaztu gabe. Kartazalaren barruan gehitu beharko dira parte-hartzailearen datu pertsonalak eta NANaren fotokopia bat.


      BIDALI ZURE MEZUA

      • Kopiatu zenbakiak
    Urolakostako Udal Elkartea. Logotipoa Urola Kostako Udal Elkartea
    Urdaneta bidea, 6 20800 ZARAUTZ
    Tel: 943 89 08 08 - Fax: 943 83 51 47
    e-mail: idazkaritza@urolakosta.org
    SASOIAN
    Zelai Ondo, 23 behea. 20800 ZARAUTZ
    Tel: 943890017-607615239
    e-mail: sasoian@sasoian.info